20‏/03‏/2012

بدي احكي وبدي اغني

بدي احكي وبدي اغني
عن كل اشي بخنق في
بدي احكي وبدي اقول
صوتي راح ضل مسمعتو ع طول
هادا صوتي الي انجرح
انكتم صار عدم
صحي من موتو صار صريح
صار اقوى من الريح
صار حر صار طير
حلق عالي متل الغير
صوتي انا الي طلع صغير
حب الوطن بقلبي كبير
هاد انا شب فلسطيني
جاي من ارض الفلاحين
لعبتي مصنوعة من طين
اكلي لبنة زيت وزعتر
بارض بلادي بمشي وبتمختر
ما بهزني جندي ومخبر
بتهزني كلمة الله واكبر
ما بوقفني معبر مسكر
بجمدني قلب أم مكسر..!!